ഒരു വർഷമായി ദൃഷാന കോമയിൽ; വാഹനാപകടത്തെ തുടർന്ന് വിദേശത്തേക്ക് കടന്ന പ്രതി പിടിയിൽ.

കോഴിക്കോട്: 

വടകര ചോറോട് കാറിടിച്ച് ഒമ്പതു വയസ്സുകാരി ദൃഷാന ഒരുവർഷത്തിലേറെയായി കോമയിലാവുകയും മുത്തശ്ശി മരിക്കുകയുംചെയ്ത കേസിൽ കാറോടിച്ച പ്രതി പിടിയിൽ. 

പുറമേരി മീത്തലെ പുനത്തിൽ ഷെജീലിനെയാണ് (35) കോയമ്പത്തൂരിൽ നിന്ന് പിടികൂടിയത്. അപകടശേഷം ഇൻഷുറൻസ് തുകയും തട്ടി വിദേശത്തേക്ക് കടന്ന ഇയാൾക്കെതിരെ ലുക്കൗട്ട് നോട്ടീസ് ഇറക്കിയിരുന്നു.

ഡിസംബറിൽ ഇയാളുടെ മുന്‍കൂര്‍ ജാമ്യം കോടതി നിഷേധിച്ചിരുന്നു. ഇതിന് പിന്നാലെയാണ് പ്രതിക്കായി ക്രൈംബ്രാഞ്ച് ലുക്കൗട്ട് നോട്ടീസ് പുറപ്പെടുവിച്ചത്. 

പ്രതി വിദേശത്തുനിന്ന് നാട്ടിലേക്ക് മടങ്ങിയതിനെ തുടർന്ന് വിമാനത്താവളത്തിൽ വെച്ചാണ് അറസ്റ്റെന്നാണ് വിവരം.

വാഹനമിടിച്ച്, തലശ്ശേരി പന്ന്യന്നൂര്‍ പഞ്ചായത്ത് ഓഫിസിനു സമീപം താമസിക്കുന്ന 62കാരിയായ പുത്തലത്ത് ബേബി മരിക്കുകയും പേരക്കുട്ടി ദൃഷാന ഗുരുതരമായി പരിക്കേറ്റ് കോമയിലാവുകയും ചെയ്തിരുന്നു. ഒമ്പത് മാസത്തിന് ശേഷമാണ് ഷെജീലിന്‍റെ കാറാണ് ഇരുവരെയും ഇടിച്ചിട്ട് നിർത്താതെ പോയതെന്ന് കണ്ടെത്താനായത്.

2024 ഫെബ്രുവരി 17നാണ് വടകരക്ക് സമീപം ചോറോട് അമൃതാനന്ദമയീമഠം സ്റ്റോപ്പിൽ രാത്രി ഒമ്പതുമണിയോടെ അപകടമുണ്ടായത്. പു​ത്ത​ല​ത്ത് ബേ​ബി മ​രി​ക്കു​ക​യും കൂ​ടെ​യു​ണ്ടാ​യി​രു​ന്ന പേ​ര​ക്കു​ട്ടി ദൃ​ഷാ​നക്ക് ഗു​രു​ത​ര പ​രി​ക്കേ​ൽക്കുകയും ചെയ്ത അപകടത്തിൽ ഷെജീൽ കാർ നിർത്താതെ ഓടിച്ചുപോവുകയായിരുന്നു. ഷെ​ജീ​ൽ ഭാ​ര്യ​ക്കും മ​ക്ക​ൾ​ക്കു​മൊ​പ്പം വ​ട​ക​ര​യി​ലെ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ സന്ദർശിച്ച് വീ​ട്ടി​ലേ​ക്ക് മ​ട​ങ്ങും വ​ഴി​യാ​ണ് ദേ​ശീ​യ പാ​ത​യി​ൽ വെ​ച്ച് ദൃ​ഷാ​ന​യെ​യും ബേ​ബി​യെ​യും ഇ​ടി​ച്ചു​തെ​റി​പ്പി​ച്ച് കാ​ർ നി​ർ​ത്താ​തെ പോ​യ​ത്. പി​ൻ​സീ​റ്റി​ലി​രു​ന്ന മ​ക്ക​ൾ മു​ൻ സീ​റ്റി​ലി​രി​ക്കാ​ൻ വാ​ശി​പി​ടി​ച്ച​തോ​ടെ​യാ​ണ് കാ​റി​ന്റെ നി​യ​ന്ത്ര​ണം ന​ഷ്ട​മാ​യ​ത്.

സം​ഭ​വ​ത്തി​ൽ കേ​സി​ന്റെ ചു​രു​ള​ഴി​ഞ്ഞ​ത് പ്ര​തി ഇ​ൻ​ഷു​റ​ൻ​സ് ക്ലെ​യിം ചെ​യ്ത​തി​ലൂ​ടെയാണ്. ഷെ​ജീ​ലി​ന്‍റെ മാ​രു​തി സ്വി​ഫ്റ്റ് കാ​റി​ന്റെ മു​ൻ​ഭാ​ഗം ഇ​ടി​യു​ടെ ആ​ഘാ​ത​ത്തി​ൽ ത​ക​ർ​ന്നി​രു​ന്നു. പു​റ​മേ​രി വെ​ള്ളൂ​ർ റോ​ഡി​ലെ വ​ർ​ക്ക് ഷോ​പ്പി​ൽ അ​റ്റ​കു​റ്റ​പ്പ​ണി​ക്ക് ക​യ​റ്റി​യ കാ​ർ മ​തി​ലി​ലി​ടി​ച്ച് ത​ക​ർ​ന്ന​താ​ണെ​ന്ന് ഇ​ൻ​ഷു​റ​ൻ​സ് ക​മ്പ​നി​ക്ക് വ്യാ​ജ വി​വ​രം ന​ൽ​കി ന​ഷ്ട​പ​രി​ഹാ​രം വാ​ങ്ങു​ക​യാ​യി​രു​ന്നു.

അ​ഞ്ഞൂ​റി​ല​ധി​കം കാ​ർ വ​ർ​ക് ​ഷോ​പ്പു​ക​ളി​ൽ ക​യ​റി​യി​റ​ങ്ങി​യ അ​ന്വേ​ഷ​ണ​സം​ഘം 19,000 വാ​ഹ​ന​ങ്ങ​ളും അ​ര​ല​ക്ഷ​ത്തോ​ളം ഫോ​ൺ കോ​ളു​ക​ളും കേസിൽ പ​രി​ശോ​ധി​ച്ചു. കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട് 

ജി​ല്ല​ക​ളി​ലെ വ​ർ​ക്ക് ഷോ​പ്പു​ക​ൾ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​ത്തി​നി​ടെ​യാ​ണ് വെ​ള്ളൂ​രി​ലെ വ​ർ​ക്ക് ഷോ​പ്പി​ൽ​നി​ന്ന് അ​റ്റ​കു​റ്റ​പ്പ​ണി ന​ട​ത്തി​യ കാ​റി​ന് നാ​ഷ​ന​ൽ ഇ​ൻ​ഷു​റ​ൻ​സ് ക​മ്പ​നി​യി​ൽ നി​ന്ന് 30,000 രൂ​പ അ​നു​വ​ദി​ച്ച​താ​യി ക്രൈം​ബ്രാ​ഞ്ച് ക​ണ്ടെ​ത്തി​യ​ത്. തുടർന്ന് നടത്തിയ അന്വേഷണത്തിലാണ് ഈ കാറാണ് ദൃഷാനയെയും ബേബിയെയും ഇടിച്ച് തെറിപ്പിച്ചതെന്ന് കണ്ടെത്തിയത്.