പൊതുവിതരണ സംവ്വിധാനം തകർത്ത ഇടത് സർക്കാറിന് തുടരാൻ അവകാശമില്ല; എൻ.സുബ്രഹ്മണ്യൻ.

താമരശ്ശേരി: 

ജനങ്ങൾ വിലക്കയറ്റം കൊണ്ട് പൊറുതിമുട്ടുമ്പോൾ പൊതുവിതരണ സംവ്വിധാനം തകർത്ത ഇടത് സർക്കാറിന് അധികാരത്തിൽ തുടരാൻ അവകാശമില്ലെന്ന് കെ.പി.സി.സി രാഷ്ട്രീയ കാര്യസമിതി അംഗം എൻ സുബ്രഹ്മണ്യൻ പ്രസ്താവിച്ചു. 

താമരശ്ശേരി ബ്ലോക്ക് കോൺഗ്രസ്സ് കമ്മറ്റി താലൂക്ക് സപ്ലെ ഓഫീസിന് മുമ്പിൽ സംഘടിപ്പിച്ച ധർണ്ണ ഉൽഘാടനം ചെയ്യുകയായിരുന്നു അദ്ദേഹം. റേഷൻ കടകളിൽ ആവശ്യമായ ഭക്ഷ്യധാന്യങ്ങൾ എത്തിക്കുക, റേഷൻ വ്യാപാരികളുടെ കുടിശ്ശിക നൽകുക, ഇ- ഫോസ് മെഷിൻ പരിഷ്ക്കരിക്കുക എന്നീ വിഷയങ്ങളിൽ അടിയന്തിര പരിഹാരം ഉണ്ടാവണമെന്നും അദ്ദേഹം ആവശ്യപ്പെട്ടു.ബ്ലോക്ക് കോൺഗ്രസ്സ് പ്രസിഡണ്ട് പി.ഗിരീഷ് കുമാർ അധ്യക്ഷത വഹിച്ചു.

 കെ.പി.സി.സി മെമ്പർ പി.സി ഹബീബ് തമ്പി മുഖ്യ പ്രഭാഷണം നടത്തി. പി.പി. കുഞ്ഞായൻ, സി.ടി.ഭരതൻ, എം.സി നാസിമുദ്ദീൻ, ഒ.എം ശ്രീനിവാസൻ 'നവാസ് ഈർപ്പോണ, അഹമ്മദ് കുട്ടി മാസ്റ്റർ കൂടത്തായി, കെ. സരസ്വതി, ബാലകൃഷ്ണൻ പുല്ലങ്ങോട് രാധാമണി, റിഫായത്ത് കട്ടിപ്പാറ, ചിന്നമ്മ ജോർജ്, ഖദീജ സത്താർ, കെ കെ.എം ഹനീഫ, ഷരീഫ് വെളിമണ്ണ എന്നിവർ സംസാരിച്ചു. 

വി.കെ.എ കബീർ സ്വാഗതവും ഷമീർ ഓമശ്ശേരി നന്ദിയും പറഞ്ഞു.