ഓമശ്ശേരി:
എട്ടു ദിവസം നീണ്ടു നിൽക്കുന്ന പഞ്ചായത്ത് കേരളോൽസവത്തിന് ഓമശ്ശേരിയിൽ വിളംബര റാലിയോടെ പ്രൗഢമായ തുടക്കം.താഴെ ഓമശ്ശേരിയിൽ നിന്നാരംഭിച്ച വിളംബര ഘോഷയാത്ര ടൗൺ ചുറ്റി പഞ്ചായത്ത് ഓഫീസ് പരിസരത്ത് സമാപിച്ചു.ചെണ്ട,വാദ്യ മേളങ്ങളുടെ അകമ്പടിയോടെ നടന്ന ഘോഷ യാത്രയിൽ ജനപ്രതിനിധികൾ,രാഷ്ട്രീയ-സാമൂഹ്യ-സാംസ്കാരിക സംഘടനാ നേതാക്കൾ,പഞ്ചായത്ത് ജീവനക്കാർ,ക്ലബ് ഭാരവാഹികൾ,കുടുംബ ശ്രീ പ്രവർത്തകർ,അങ്കണവാടി വർക്കേഴ്സ്-ഹെൽപേഴ്സ്,വിദ്യാർത്ഥികൾ,എസ്.പി.സി,ജെ.ആർ.സി അംഗങ്ങൾ തുടങ്ങി സമൂഹത്തിന്റെ വിവിധ തുറകളിലുള്ള നൂറു കണക്കിനാളുകൾ പങ്കെടുത്തു.കൂടത്തായ് സെന്റ് മേരീസ് ഹൈസ്കൂൾ,ഓമശ്ശേരി വിദ്യാപോഷിണി എൽ.പി.സ്കൂൾ,പുത്തൂർ ഗവ:യു.പി.സ്കൂൾ എന്നീ വിദ്യാലയങ്ങളിലെ വിദ്യാർത്ഥികളുടെ നേതൃത്വത്തിൽ വിവിധങ്ങളായ കലാപരിപാടികളും അരങ്ങേറി.
പഞ്ചായത്ത് വൈസ് പ്രസിഡണ്ട് ഫാത്വിമ അബു ഉൽഘാടനം ചെയ്തു.വികസന സ്റ്റാന്റിംഗ് കമ്മിറ്റി ചെയർമാൻ യൂനുസ് അമ്പലക്കണ്ടി അദ്ധ്യക്ഷത വഹിച്ചു.ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.കരുണാകരൻ മാസ്റ്റർ സ്വാഗതവും മുൻ ചെയർമാൻ സൈനുദ്ദീൻ കൊളത്തക്കര നന്ദിയും പറഞ്ഞു.പഞ്ചായത്ത് സെക്രട്ടറി കെ.ഗിരീഷ് കുമാർ,മുൻ പഞ്ചായത്ത് പ്രസിഡണ്ട് പി.അബ്ദുൽ നാസർ,ആസൂത്രണ സമിതി ഉപാദ്ധ്യക്ഷൻ കെ.കെ.അബ്ദുല്ലക്കുട്ടി,വിവിധ സംഘടനാ പ്രതിനിധികളായ യു.കെ.ഹുസൈൻ,കെ.പി.അയമ്മദ് കുട്ടിമാസ്റ്റർ,പി.വി.സ്വാദിഖ്,ആർ.എം.അനീസ്,ടി.ശ്രീനിവാസൻ,ഒ.പി.അബ്ദുൽ റഹ്മാൻ,പി.എ.ഹുസൈൻ മാസ്റ്റർ,പി.പി.ജുബൈർ കൂടത്തായി,സുനിൽ കുമാർ,വേലായുധൻ,പഞ്ചായത്തംഗങ്ങളായ എം.എം.രാധാമണി ടീച്ചർ,ഒ.പി.സുഹറ,എം.ഷീജ ബാബു,കെ.പി.രജിത,സി.എ.ആയിഷ ടീച്ചർ,മൂസ നെടിയേടത്ത്,ഇബ്രാഹീം ഹാജി പാറങ്ങോട്ടിൽ,ബീന പത്മദാസ്,എം.ഷീല എന്നിവർ സംസാരിച്ചു.
ഇന്ന്(ശനി) രാവിലെ 9 മണിക്ക് ഓമശ്ശേരി ടൗൺ ഗ്രൗണ്ടിൽ വോളിബോളും കൂടത്തായ് ന്യൂഫോം ഗ്രൗണ്ടിൽ ഫുട്ബോളും നടക്കും.നാളെ(ഞായർ) രാവിലെ 9 മണിക്ക് ഓമശ്ശേരി ഷട്ടിലേഴ്സ് ക്ലബിൽ ഷട്ടിൽ മൽസരവും ഓമശ്ശേരി ഇ.കെ.ഉണ്ണിമോയി സ്റ്റേഡിയത്തിൽ ക്രിക്കറ്റും വേനപ്പാറ ഹൈസ്കൂൾ ഗ്രൗണ്ടിൽ കബഡി മൽസരവുമാണ് നടക്കുന്നത്.ഡിസംബർ 4 ന് (ബുധൻ) രാവിലെ 9 മണിക്ക് പഞ്ചായത്ത് കമ്മ്യൂണിറ്റി ഹാളിൽ കലാ മൽസരങ്ങളും കൂടത്തായ് സെന്റ് മേരീസ് ഗ്രൗണ്ടിൽ അത്ലറ്റിക്സ് മൽസരങ്ങളും നടക്കും.വ്യാഴാഴ്ച്ച രാവിലെ 10 മണിക്ക് പഞ്ചായത്ത് കമ്മ്യൂണിറ്റി ഹാളിൽ പഞ്ച ഗുസ്തി,ചെസ് മൽസരങ്ങൾ അരങ്ങേറും.6 ന് നടക്കുന്ന വടംവലി മൽസരത്തോടെ കേരളോൽസവം സമാപിക്കും.
ഫോട്ടോ:ഓമശ്ശേരിയിൽ കേരളോൽസവത്തിന് തുടക്കം കുറിച്ച് നടന്ന വിളംബര ഘോഷയാത്രക്ക് ജനപ്രതിനിധികളും വിവിധ സംഘടനാ ഭാരവാഹികളും നേതൃത്വം നൽകുന്നു.
0 Comments