ഓമശ്ശേരി:
ശനിയാഴ്ച്ച രാത്രിയുണ്ടായ ബൈക്കപകടത്തിൽ അമ്പലക്കണ്ടി കുഴിമ്പാട്ടിൽ മുഹമ്മദ്‌ ജസീം(19) മരണപ്പെട്ടു.
മുത്താലത്തിനടുത്ത വട്ടോളിപ്പറമ്പിൽ വെച്ചാണ്‌ ദാരുണമായ അപകടം സംഭവിച്ചത്‌.
സഹോദരനോടൊപ്പം കോഴിക്കോട്‌ ലുലു മാൾ സന്ദർശിച്ച്‌ തിരിച്ച്‌ വരുമ്പോഴായിരുന്നു അപകടം.
വേങ്ങര പി.പി.ടി.എം.ആർട്ട്സ്‌ ആന്റ്‌ സയൻസ്‌ കോളജ്‌ ബി.കോം(സി.എ) രണ്ടാം വർഷ വിദ്യാർത്ഥിയാണ്‌.സഹോദരൻ മുഹമ്മദ്‌ ജിൻഷാദ് പരിക്കുകളോടെ കോഴിക്കോട്‌ മിംസ്‌ ആശുപത്രിയിൽ ചികിൽസയിലാണ്‌.
പരേതനായ കുഴിമ്പാട്ടിൽ അബ്ദുല്ലയുടെ മകനും മലപ്പുറം വേങ്ങര ടി.എഫ്‌.സി ഫ്രൂട്ട്സ്‌ ഉടമയും സജീവ മുസ്‌ലിം ലീഗ്‌ പ്രവർത്തകനുമായ കുഴിമ്പാട്ടിൽ ചേക്കുവാണ്‌ പിതാവ്‌.മലയമ്മ ചാലിയം കുന്ന് മുഹമ്മദ്‌-ഫാത്വിമ ദമ്പതികളുടെ പുത്രി ശമീറയാണ്‌ മാതാവ്‌.ഫാത്വിമ ജുമാന,ജിൻസിയ എന്നിവർ സഹോദരിമാണ്‌.നിയാസ്‌ ഒടുങ്ങാക്കാട്‌ സഹോദരി ഭർത്താവാണ്‌.മൃതദേഹം കോഴിക്കോട്‌ മെഡിക്കൽ കോളജിൽ നിന്നും നടപടിക്രമങ്ങൾ പൂർത്തിയാക്കി അമ്പലക്കണ്ടി പുതിയോത്ത്‌ ജുമാ മസ്ജിദ്‌ ഖബർസ്ഥാനിൽ വൻ ജനാവലിയുടെ സാന്നിദ്ധ്യത്തിൽ മറവ്‌ ചെയ്തു.
പാണക്കാട്‌ സയ്യിദ്‌ ഹാരിസ്‌ അലി ശിഹാബ്‌ തങ്ങൾ മയ്യിത്ത്‌ നിസ്കാരത്തിന്‌ നേതൃത്വം നൽകി.മുസ്‌ലിം ലീഗ്‌ സംസ്ഥാന സെക്രട്ടറിയേറ്റ്‌ മെമ്പർ വി.എം.ഉമർ മാസ്റ്റർ,തിരുവമ്പാടി മണ്ഡലം പ്രസിഡണ്ട്‌ സി.കെ.ഖാസിം,ജില്ലാ പഞ്ചായത്ത്‌ മെമ്പർ നാസർ എസ്റ്റേറ്റ്മുക്ക്‌,'സമസ്ത'നേതാക്കളായ നാസർ ഫൈസി കൂടത്തായി,മലയമ്മ അബൂബക്കർ ഫൈസി തുടങ്ങി നിരവധി പ്രമുഖർ ജനാസ സന്ദർശിച്ചു.
0 Comments