ഓമശ്ശേരി:വിശ്രുത പണ്ഡിതനും സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ,ഫത് വ കമ്മിറ്റികളിൽ അംഗവുമായിരുന്ന പി.സി.കുഞ്ഞാലൻ കുട്ടി മുസ്ലിയാരുടെ ഇരുപത്തിയെട്ടാം ത്രിദിന ഉറൂസ് മുബാറക്കിന് നാളെ(വെള്ളി) അമ്പലക്കണ്ടി പുതിയോത്ത് മസ്ജിദ് പരിസരത്ത് തുടക്കമാവും.പുതിയോത്ത് മഹല്ല് കമ്മിറ്റിയുടെ നേതൃത്വത്തിലാണ് മൂന്ന് ദിവസം നീണ്ടു നിൽക്കുന്ന വിവിധങ്ങളായ പരിപാടികൾ നടക്കുന്നത്.നാളെ സുബ്ഹി നിസ്കാരാനന്തരം ഖത്തം തുടങ്ങൽ ചടങ്ങ് ആരംഭിക്കും.മുഹമ്മദ് സ്വാലിഹ് ഫൈസി പനങ്ങാങ്ങര നസ്വീഹത്തിന് നേതൃത്വം നൽകും.മഗ് രിബ് നിസ്കാരാനന്തരം ആനമങ്ങാട് മുഹമ്മദ് കുട്ടി ഫൈസി പ്രഭാഷണം നടത്തും.
ശനിയാഴ്ച്ച രാവിലെ 10 മണിക്ക് പൂർവ്വ വിദ്യാർത്ഥി സംഗമം നടക്കും.മഗ്രിബ് നിസ്കാരാനന്തരം മജ് ലിസുന്നൂർ സംഗമം പുതിയോത്ത് മുദരിസ് മുഹമ്മദലി ബാഖവി കാപ്പ് ഉൽഘാടനം ചെയ്യും.ഹസ്സൻ സഖാഫി പൂക്കോട്ടൂർ മജ്ലിസുന്നൂറിന് നേതൃത്വം നൽകും.ഞായറാഴ്ച്ച രാവിലെ 9.30 മുതൽ അനുസ്മരണ സമ്മേളനം ആരംഭിക്കും.മഹല്ല് ഖത്തീബ് പി.സി.ഉബൈദ് ഫൈസി ഉൽഘാടനം ചെയ്യും.മമ്മുട്ടി മുസ്ലിയാർ വെള്ളമുണ്ട അനുസ്മരണ പ്രഭാഷണം നടത്തും.മുഹമ്മദ് ഹൈത്തമി വാവാട് പ്രാർത്ഥനക്ക് നേതൃത്വം നൽകും.സാദാത്തീങ്ങളും പണ്ഡിതന്മാരും സംബന്ധിക്കും.തുടർന്ന് അന്നദാനം നടക്കും.സമാപന ചടങ്ങിൽ മത-രാഷ്ട്രീയ-സാമൂഹ്യ രംഗത്തുള്ള പ്രമുഖരും പങ്കെടുക്കുമെന്ന് മഹല്ല് പ്രസിഡണ്ട് മഠത്തിൽ മുഹമ്മദ് ഹാജി,ജന.സെക്രട്ടറി കെ.മുഹമ്മദ് ബാഖവി എന്നിവർ അറിയിച്ചു.
0 Comments