തിരുവമ്പാടി :
തിരുവമ്പാടി ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന്റെയും അൽഫോൻസ കോളേജ് എൻഎസ്എസ് യൂണിറ്റിൻ്റെയും, അൽഫോൻസ കോളേജ് വിമൻ ഡെവലപ്പ്മെന്റ് സെല്ലിന്റെയും സംയുക്താഭിമുഖ്യത്തിൽ ശാരീരികവും മാനസികവുമായ ആരോഗ്യത്തിന് യോഗയുടെ പ്രാധാന്യത്തെക്കുറിച്ച് ജനങ്ങളിൽ അവബോധം വളർത്തുക എന്ന ലക്ഷ്യത്തോടെ നടത്തപ്പെടുന്ന അന്താരാഷ്ട്ര യോഗാ ദിനാചരണത്തിന്റെ ഭാഗമായി യോഗ ദിനാചരണവും യോഗപ്രദർശനവും നടത്തി.
അൽഫോൻസ കോളേജ് ഓഡിറ്റോറിയത്തിൽ വച്ച് കോളേജ് പ്രിൻസിപ്പൽ ഡോ. കെ. വി ചാക്കൊയുടെ അധ്യക്ഷതയിൽ ചേർന്ന യോഗത്തിൽ യോഗദിനാചരണം കോളേജ് അഡ്മിനിസ്ട്രേറ്റർ റവ.ഫാദർ മനോജ് ജോയ് കൊല്ലംപറമ്പിൽ ഉദ്ഘാടനം ചെയ്തു, വിമൻ ഡെവലപ്മെൻറ് കോഡിനേറ്റർ വി.എസ്. ചിഞ്ചു സ്വാഗതം പറഞ്ഞു.
'യോഗ വ്യക്തിക്കും സമൂഹത്തിനും' എന്ന വിഷയത്തിൽ കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. കെ.വി. പ്രിയ മുഖ്യപ്രഭാഷണം നടത്തി. ഡോ.അമൃത നിത്യൻ (യോഗ പരിശീലക) യോഗപ്രദർശനവും ക്ലാസ്സും നടത്തി. കോളേജ് വൈസ് പ്രിൻസിപ്പൽ എം.സി. സെബാസ്റ്റ്യൻ, എൻഎസ്എസ് പ്രോഗ്രാം ഓഫീസർ ഫാ.ഷിജു മാത്യു , എൻഎസ്എസ് സ്റ്റുഡന്റ് കോഓർഡിനേറ്റർ കുമാരി സാനിയമോൾ ചാൾസ്, ജൂനിയർ ഹെൽത്ത് ഇൻസ്പെക്ടർ കെ.ഷാജു എന്നിവർ സംസാരിച്ചു.
പരിപാടിയുടെ ഭാഗമായി ജീവിതാശൈലി രോഗനിർണയ ക്യാമ്പും നടത്തി.
0 Comments